Agurra

Kaixo lagunak, ongi etorriak hezkuntza murrizketen inguruko blog honetara!

Honen bidez eta berri ezberdinak abiapuntutzat harturik, nire helburu nagusia, dirua egon badagoela zuei ohartaraztea da. Behin hori jakinda, inor pentsa ez dezala hezkuntza-eskubidean atzera egitea beste irtenbiderik ez dagoela. Honez gain, murrizketen gaineko informazioa, hauek dakartzaten ondorioak eta hausnartzeko zenbait bideo zuen eskura daude.

Ekonomia pertsonen zerbitzura egon behar da, 
ez merkatuaren zerbitzura.

Beste eredu ekonomiko eta soziala ezinbestekoa da!

Hezkuntza: eskubidea ala pribilegioa?

Giza Eskubideen Aldarrikapen Unibertsalak 26. atalean erakusten duenez: "Pertsona orok du hezkuntza-eskubidea. Hezkuntza dohainekoa izango da oinarrizko ikasketei dagokienez behintzat. Oinarrizko ikasketak egitea derrigorrezkoa izango da; heziketa teknikoa eta lanbiderako, orokorra; eta denek izango dute goi mailako ikasketak egiteko aukera bera, norberaren merezimenduaren arabera.". Eta Haurren Eskubideen Deklarazioak 7. printzipioan azpimarratzen duenez: "Haurrak hezkuntza jasotzeko eskubidea du. Hezkuntza, oinarrizko mailetan bederen, dohainekoa eta derrigorrezkoa izan da. Kultura orokorra izaten lagunduko dion heziketa emango zaio, aukera berdintasunean bere gaitasun eta sena eta erantzukizun moral zein soziala garatzen lagunduko diona...".

Guk guztiok eskubide hau oso argi dugun arren, ez gara hirugarren mundura joan behar nola hausten den ikusteko. Izan ere, Bartzelonan, Vic-en zehazki, biztanleriaren %24a ikasteko aukera galtzeko zorian egon zen 2010. urtean; Vic-eko udal osoak, egoera irregularreko etorkinen erroldatzea galarazten zuen araudia sostengatu baitzuen. Zorionez, Estatuko Abokatutzak neurri horren ilegaltasuna nabarmendu zuen.

Haatik, nola izan daiteke XXI. mendean, Europar Batasuneko herri batean, 9.120 pertsonen hezkuntza-eskubidea arriskuan egotea? Zein da hain oinarrizkoa den eskubidea ukatzeko helburua? Zenbatek izango dugu/dute ikasteko aukera Rajoyren Gobernuak inposatzen dabilen murrizketak aurrera joan ahala?

Iturria:
La educación: ¿un derecho o un privilegio?

Hezkuntza vs. Bigarren eskuko bi helikoptero

Itsas Armadak bigarren eskuko bi helikoptero erosten ditu 24.500.000 €-engatik.

Ministro Kontseiluak, ostiral honetan - azaroaren 30ean -, Itsas Armadaren aldetik, Sikorsky SH60-F bi helikopteroen erosketa baimendu du 24.500.000 €-engatik. Helikoptero hauek, AEBen Armadaren soberako artikuluetatik eratorriak dira eta haien bizitza eraginkorraren erdira aurkitzen dira.

Iturria:
La Armada compra dos helicópteros de segunda mano a EE.UU. por 24,5 millones de euros.

Hezkuntza vs. Aireportu ez-errentagarriak

Espainiak dituen nazioarteko 52 aireportuetatik 8 besterik ez dira errentagarriak.

Jada 20 hilabete igaro dira Castellóko aireportua inauguratu zenetik; eta terminala oraindik martxan jarri ez  bada ere, joan den irailean komunikabideek ondorengo berria argitaratu zuten: Aerocas sozietateak, Castellóko hegazkinik gabeko aireportua kudeatzen duenak, 368.865 € zuzendu zituen langileria-gastuetarako, bertan 7 pertsona soilik lan egin arren (zuzendari bat, bitarteko hiru agintari eta hiru administrari).

Gainera, 2011. urtean 5.000.000 € baino gehiago gastatu ziren publizitate, propaganda eta harremen publikoetan. Eta hau guztia gutxi izango balitz, Castellóko aerodromoa mantentzea, egunero, 3.600 € kostatzen da. 

Dena den, hau ez da errentagarria ez den Espainiako aireportu bakarra:

• Huescako terminalak hegaldi erregularrik gabe darama joan den urtetik.
• Ciudad Realko aireportua nekez erabiltzen da.
• Lleidakoak ez du aurkitzen bertan egan egin nahi duen aire-biderik. Ondorioz, Mallorcarako joan-etorriko hegaldia besterik ez du eskuragarri. 
• ...

Iturriak:

• El 85% de los aeropuertos españoles no es rentable.
• El aeropuerto de Castellón cumple un año... sin aviones.

Hezkuntza vs. Senatuaren web orrialdea

Pasadan asteko astelehenean, azaroaren 12an, Senatuaren web orrialde berria lehen aldiz ikusteko aukera izan genuen. Tresna berri honen balioa ia-ia 500.000 €-koa da:

• 274.350 € web orrialdearen kostua.
• 115.404 € bilatzailearen kostua.
• 47.937 € umeentzako eta gazteentzako gaikako orrialdearen eta 3D bisitaren kostua.

Hemen duzue herritarrok ordaindu dugun web orrialdea:
Senatuaren web orrialdea.

Iturria:
El Senado se gasta casi medio millón de euros en renovar su página web.

Hezkuntza vs. Bi aholkularien soldata

Hona hemen Jordi Évole kazetariaren eta Alikanteko Aldundiaren Bigarren Presidenteordearen - César Augusto Asencioren - arteko elkarrizketa.

Jordi Évolek aurreko bideoan jakinarazten digunez, Alikanteko Suteak Itzaltzeko eta Salbamendurako Partzuergoarentzako aholkularien soldatak, hilero, 25.000 €-ak gainditzen ditu. Hortaz, urtero, 50.000 € baino gehiago bideratzen dira Suhiltzaileen Diputatuarentzat lan egiten duten bi pertsona hauentzat.

Diru xahuketa hau gutxi izango balitz, honako esaldi hauekin defendatzen da Cesar: “No se han cubierto todas las plazas”, “Había ocho plazas de este tipo y hemos hecho uso de dos”.

Eta, zein da aholkulari hauen egitekoa? Ideiarik ez! Ezta suhiltzaileek beraiek ere, ez dute erantzuna ezagutzen.

Hezkuntza vs. Ehiza programa

Ehiza klaseak eskola publikoetan.

Gaztela eta Leonko Juntak diru-laguntza eman dio 7 eta 12 urte bitarteko umeak ehizan egiten ikasteaz arduratuko den programari. Proiektua eskualdeko ehiztari-federazioak bultzatu du, eta eskola publikoetan aurrera eramango da. 

Jada 303.000 € zuzendu dira programaren kudeaketarako. Honen izena "ehiztari egun batez" da, zeinetan ehiza beharrezkoa dela azaltzearekin bat, jardunaldi praktikoen bidez nola ehizatzen den erakutsi nahi zaie aurretik aipatutako urte bitarteko haurrei.

Iturria:
Clases de caza en colegios públicos para niñas y niños.